|
Pwy fydd yn derbyn Brechiad Atgyfnerthu Covid-19 yn yr Hydref?
|
Mae’r Cyd-bwyllgor ar Imiwneiddio a Brechu (JCVI) wedi darparu ei gyngor terfynol yn ddiweddar ar frechiadau atgyfnerthu’r hydref ar gyfer COVID-19. Maen nhw wedi parhau i ganolbwyntio ar unigolion sy’n wynebu risg a phobl sy’n gofalu am y rhai sy’n agored i niwed. Mae gennym gynlluniau ar waith i gynnig brechiad atgyfnerthu COVID-19 yr hydref i’r oedolion a ganlyn, yn unol â chyngor y JCVI:
· preswylwyr a staff cartrefi gofal i bobl hŷn
|
|
Os ydw i’n gymwys i gael Brechiad Atgyfnerthu Covid-19 yr Hydref, pryd fydda’ i’n derbyn fy mrechiad?
|
Yn unol â’r Canllawiau Cenedlaethol, bydd y gwaith o gyflenwi Rhaglen Frechu’r Hydref yn cychwyn ar ddechrau Medi 2022.
Mae’r rhaglen yn sicrhau y caiff y bobl fwyaf bregus yn y gymdeithas eu brechu gyntaf, gyda chartrefi gofal i bobl hŷn ar ben ein rhestr o’r rheiny a fydd yn derbyn eu brechiadau.
Gwahoddir pawb wedyn yn ôl eu grŵp blaenoriaeth a’r cyfnod rhwng pob brechiad.
|
|
Beth yw mantais cael Brechiad Atgyfnerthu yn yr hydref?
|
Cyn y pandemig, roedd y ffliw yn rhoi pwysau sylweddol ar ein GIG yn ystod y gaeaf. Mae'r pandemig wedi ein gwneud yn llawer mwy ymwybodol bod brechu yn achub bywydau ac yn lleihau nifer y bobl sy'n mynd i'r ysbyty. Efallai na fydd brechu yn eich atal rhag dal coronafeirws na'r ffliw, ond mae’n ei gwneud yn llawer llai tebygol y byddwch yn ddifrifol wael neu fod angen i chi fynd i'r ysbyty o ganlyniad i hynny.
|
|
Sut fydda’ i’n cael fy ngwahodd am fy Mrechiad Atgyfnerthu yn yr hydref?
|
Os ydych yn gymwys, fe’ch gwahoddir am eich brechiad COVID-19 trwy lythyr, neges destun neu alwad ffôn.
Sicrhewch fod gan eich Meddygfa eich manylion cysylltu diweddaraf.
|
|
Yn lle fydda’ i’n cael fy Mrechiad Atgyfnerthu yn yr hydref?
|
Efallai y cewch eich gwahodd i gael eich Brechiad Atgyfnerthu yn yr hydref yn un o’n canolfannau brechu, yn eich Meddygfa leol, neu mewn Fferyllfa Gymunedol. Mae’n bwysig felly eich bod yn gwirio eich gwahoddiad yn ofalus cyn mynychu eich apwyntiad.
|
|
Ydw i’n gallu cael fy Mrechiad Atgyfnerthu Covid-19 yn yr hydref ar yr un pryd â fy Mrechiad Ffliw Blynyddol?
|
Yn dilyn cyngor y JCVI dylid cyd-weinyddu’r brechlyn COVID-19 a’r brechlyn ffliw lle bo hynny'n bosib. Lle gallwn wneud hyn byddwn yn gwneud hynny. Y llynedd, cafodd llawer o weithwyr gofal iechyd a phreswylwyr cartrefi gofal eu brechlyn COVID-19 a’u brechlyn ffliw ar yr un pryd. Roedd gwneud hyn yn ffordd effeithlon i'n GIG ddarparu’r brechlynnau, gan roi mwy o amddiffyniad i gleifion mewn un apwyntiad, a bod yn fwy cyfleus i unigolion.
Efallai na fydd gweinyddu’r ddau frechiad mewn un apwyntiad yn bosib ym mhob achos oherwydd y cyflenwad o frechiadau sydd ar gael, neu’r lleoliad y cewch eich gwahodd iddo. Yn yr achos hwn, byddwch yn derbyn apwyntiad ar wahân ar gyfer pob brechiad.
Nid yw brechiadau’n orfodol, felly ni fydd yn orfodol i unigolion gael dau frechiad yn yr un apwyntiad. Ond os cynigir y ddau i chi, rydym yn eich annog i ddewis cael y ddau, er mwyn cael mwy o amddiffyniad.
|
|
Nid wyf yn gallu mynd i fy apwyntiad, beth ddylwn i ei wneud?
|
Gwyddom ei bod yn bwysig bod pobl yn gallu mynd i'w hapwyntiad brechu ar adeg ac mewn lle sy'n gyfleus o ran eu hamgylchiadau a’u hanghenion. Rydym yn parhau i ofyn i bobl flaenoriaethu apwyntiadau lle bynnag y bo modd, ond rydym yn deall nad yw hyn bob amser yn bosib. Os nad ydych yn gallu mynd i’ch apwyntiad, defnyddiwch y manylion cysylltu ar ben eich gwahoddiad ysgrifenedig i drefnu dyddiad arall.
|
|
’Dydw i ddim yn dda ar hyn o bryd, neu’n cymryd gwrthfiotigau - a fydda’ i’n dal i allu mynychu fy apwyntiad i gael brechiad?
|
Byddwch, dylech fedru cael eich brechiad atgyfnerthu os ydych yn wael. Fodd bynnag, os oes gennych dymheredd uchel, neu eich bod yn wael iawn, gwiriwch hyn gyda’ch Meddyg Teulu, neu frechwr ar y safle, cyn cael eich brechiad.
Os ydych wedi profi’n bositif am Covid-19 yn ddiweddar, neu’n meddwl eich bod wedi ei gael, a’ch bod dros 18 oed, bydd angen i chi ddisgwyl am 28 diwrnod cyn cael eich brechiad atgyfnerthu. Cysylltwch â’r rhif ar eich gwahoddiad, a gofynnwch iddynt anfon apwyntiad arall i chi.
Bydd angen i blant a phobl ifanc o dan 18 sydd wedi cael haint Covid-19 ddisgwyl am 12 wythnos cyn derbyn unrhyw frechiadau Covid-19.
Os yw eich plentyn mewn grŵp sydd mewn mwy o berygl o ddioddef salwch difrifol o ganlyniad i Covid-19, bydd angen iddo ddisgwyl am 4 wythnos ar ôl cael prawf cadarnhaol.
Gellir cael rhagor o wybodaeth ar wefan Iechyd Cyhoeddus Cymru.
|
|
Nid wyf wedi cael dos gyntaf o’r brechlyn, ydw i’n gallu cerdded i mewn i ganolfan frechu i gael un?
|
Ewch i’n tudalen Cael eich Brechu.
|
|
Nid wyf wedi cael fy ail ddos o’r brechlyn hyd yma – ydw i’n gallu cerdded i mewn i ganolfan frechu i gael un?
|
Ewch i’n tudalen Cael eich Brechu.
|
|
Pa frechlyn fydda’ i’n ei dderbyn fel dos atgyfnerthu?
|
Bydd y brechlyn a dderbynnir gennych yn dibynnu ar y cyflenwad sydd ar gael. Yn anffodus, nid yw’n bosib i chi ddewis pa frechlyn y byddwch yn ei dderbyn.
|
|
Oes gennych chi unrhyw glinig y gallaf gerdded i mewn iddo heb wahoddiad?
|
Ewch i’n tudalen Cael eich Brechu.
|
|
Rwy’n feichiog ac mae angen brechiad cyntaf, yr ail frechiad, neu’r brechiad atgyfnerthu arnaf. Beth ddylwn i ei wneud?
|
Ewch i’n tudalen Cael eich Brechu.
Os ydych yn fwy nag 20 wythnos yn feichiog, ewch i flaen y ciw, rhowch wybod i staff eich bod chi yno a chewch eich blaenoriaethu.
|
|
Sut ydw i’n cael fy mhàs COVID?
|
Ewch i wefan Llywodraeth Cymru, Cael eich Pas COVID GIG | LLYW.CYMRU, am wybodaeth ynghylch cael eich Pàs COVID.
|
|
Mae fy nghofnod statws brechu yn anghywir ar fy Mhàs COVID- beth ddylwn i ei wneud?
|
Os nad yw eich Pàs COVID yn dangos prawf o frechiad a roddwyd gan Fwrdd Iechyd Prifysgol Aneurin Bevan, cysylltwch â’n canolfan drefnu ar 0300 303 1373, a fydd yn gallu gwirio yn ôl ein cofnodion.
Os cawsoch eich brechiadau mewn ardal Bwrdd Iechyd arall ac nad yw'r brechiad hwn yn dangos ar eich cofnod, bydd angen i chi gysylltu â'r Bwrdd Iechyd hwnnw i ychwanegu'r brechiad at eich cofnod.
I gael gwybodaeth am y Pàs COVID i'r rhai sy'n agored i niwed yn glinigol, ewch i wefan Llywodraeth Cymru yn Pàs COVID y GIG: help i gael eich pàs | LLYW.CYMRU.
|
|
Mae fy manylion personol yn anghywir ar fy Mhàs COVID – beth ddylwn i ei wneud?
|
Yn anffodus, nid yw’r Bwrdd Iechyd yn gallu newid eich manylion personol ar eich Pàs COVID. Cysylltwch â’ch Meddyg Teulu, a sicrhewch fod y wybodaeth sydd ganddyn nhw amdanoch yn gyfredol, gan fod eu system nhw’n cysylltu â’ch cofnod GIG.
|
